Sirdaryo viloyati Boyovut tumanida jiyan o‘z tog‘asining 6,75 million so‘mlik tilla buyumlarini o‘g‘rilab ketdi, deb xabar berdi Sirdaryo viloyati IIB matbuot xizmati.
2017-yil 16-iyul kuni Boyovut tumani IIBga ushbu tumanda istiqomat qiluvchi Xolmurod Omanov (ism, familiyasi o‘zgartirilgan) murojaat qilib, 2017-yil 2-iyuldan 3-iyulga o‘tar kechasi noma’lum shaxs uyiga hech kim yo‘qligidan foydalanib kirib, yotoqxonasidagi javondan 1 dona narxi 1 million 650 ming so‘mlik tilla nikoh uzugini, 1 dona narxi 900 ming so‘mlik tilla nikoh uzugini, 1 dona narxi 900 ming so‘mlik qora ko‘zli tilla uzugini, 1 dona narxi 1,2 million so‘mlik oq ko‘zli tilla uzugini va narxi 2,1 million so‘mlik tilla zanjirini o‘g‘irlab, jami 6,75 million so‘m miqdorida moddiy zarar yetkazganligini ma’lum qilgan.
Boyovut tumani IIB xodimlari tomonidan olib borilgan tezkor surishtiruv ishlari natijasida mazkur jinoyatni arizachining jiyani Madina Salimova (ism, familiyasi o‘zgartirilgan) sodir etganligi aniqlangan.
Izoh (0)