Берилиши тўхтатилган автокредит, электр ва газдан узила бошланган қарздорлар, Тошкентда қуриладиган «Адолат саройи» ва куннинг бошқа муҳим хабарлари

19 июлнинг эътиборга молик янгиликлари — «Дарё»нинг кечки дайжестида.

1. Ўзбекистонда банклар автокредит беришни тўхтатди. «Афсуски барча кредит линиялари қайта молиялаш ставкасининг ошиши ҳисобига ёпилди».

2. Электр энергияси ва газдан қарздорлиги бўлган истеъмолчиларни тармоқдан узиб қўйиш бошланди. Истеъмолчиларга энергия ресурсларини етказиб бериш 100 фоизли олдиндан тўлов асосида амалга оширилмоқда.

3. Тошкент шаҳрида «Адолат саройи» комплекси барпо этилади. Бу ҳақдаги фармойиш Ўзбекистон Президенти Шавкат Мирзиёев томонидан қабул қилинди.

4. Тошкентнинг икки туманида газ таъминоти корхоналари 3,4 млрд сўмлик сунъий қарзларни «ёпиш» учун уларни аҳолига тақсимлаган. Уларни ундириб олиш учун тегишли даъволар қўзғатилган. Аммо ижро ҳужжатларининг бажарилиши таъминланмаган.

5. MH17 рейси фожиаси: 3 йил ўтиб янги тафсилотлар. Авиаҳалокат оқибатида 283 йўловчи ва 15 нафар экипаж аъзоси, жами ўн мамлакат фуқароси ҳалок бўлган эди.