Buxoroda sariq metalldan yasalgan taqinchoqlar evaziga 6 million 400 ming so‘m pullarni qo‘lga kiritgan firibgar ayol ushlandi. Bu haqda Buxoro viloyati IIB matbuot xizmati xabar berdi.
Vobkent tumanida yashovchi 1991-yilda tug‘ilgan, S.Xalilova ariza bilan murojaat qilib, Bobur ko‘chasida joylashgan “555” nomli savdo do‘koniga xarid qilish maqsadida kelgan noma’lum ayol kishi uning ishonchiga kirib, 3,6 million so‘m naqd pullarini hamda jami bahosi 2,8 million so‘mlik tilladan yasalgan bir juft tilla ziragini va 2 dona ayollar tilla uzuklarini firibgarlik qo‘li bilan qo‘lga kiritib, o‘rniga oddiy sariq metalldan yasalgan ikki dona zanjir va bir dona ayollar uzugini berib jami 6,4 million so‘m moddiy zarar yetkazganligini bildirgan.
Olib borilgan surishtiruv ishlari davomida ushbu jinoyatni Andijon viloyati, Andijon shaharda yashovchi 1978-yilda tug‘ilgan, 4 nafar farzandining onasi Kimyoxon Sarimsoqova sodir qilganligi aniqlangan.
Mazkur holat yuzasidan Kimyoxon Sarimsoqovaga nisbatan Qzbekiston Respublikasi Jinoyat Kodeksining 168-moddasi 2-qismi bilan jinoyat ishi qo‘zg‘atilgan.
Izoh (0)