Бухорода 6,4 миллион сўмлик тилла буюмларни фирибгарлик йўли билан қўлга киритган аёл қўлга олинди

Бухорода сариқ металлдан ясалган тақинчоқлар эвазига 6 миллион 400 минг сўм пулларни қўлга киритган фирибгар аёл ушланди. Бу ҳақда Бухоро вилояти ИИБ матбуот хизмати хабар берди.

Вобкент туманида яшовчи 1991 йилда туғилган, С.Халилова ариза билан мурожаат қилиб, Бобур кўчасида жойлашган «555» номли савдо дўконига харид қилиш мақсадида келган номаълум аёл киши унинг ишончига кириб, 3,6 миллион сўм нақд пулларини ҳамда жами баҳоси 2,8 миллион сўмлик тилладан ясалган бир жуфт тилла зирагини ва 2 дона аёллар тилла узукларини фирибгарлик қўли билан қўлга киритиб, ўрнига оддий сариқ металлдан ясалган икки дона занжир ва бир дона аёллар узугини бериб жами 6,4 миллион сўм моддий зарар етказганлигини билдирган.

Олиб борилган суриштирув ишлари давомида ушбу жиноятни Андижон вилояти, Андижон шаҳарда яшовчи 1978 йилда туғилган, 4 нафар фарзандининг онаси Кимёхон Саримсоқова содир қилганлиги аниқланган.

Мазкур ҳолат юзасидан Кимёхон Саримсоқовага нисбатан Қзбекистон Республикаси Жиноят Кодексининг 168-моддаси 2-қисми билан жиноят иши қўзғатилган.