“Navoiy” erkin iqtisodiy zonasida faoliyat boshlagan 10 ta tadbirkorlik subyektiga guvohnomalar topshirish marosimi o‘tkazildi, deb yozadi “Gazeta.uz”.
Ushbu korxonalar bu yerga 69,3 million dollar investitsiya kiritmoqda, shuning 40 foizdan ortig‘i — to‘g‘ridan-to‘g‘ri xorijiy investitsiyalar. 50 ga yaqin turdagi mahsulotlarni chiqarish yo‘lga qo‘yiladi, bular — mayolika, granit va mozaikali plitalar, shisha buyumlar, yorug‘lik diodli yoritish uskunalari, gips-karton va quruq qurilish aralashmalari, MDF va DSP, suyuq yuvish vositalari va boshqalar. Korxonalarda 600 dan ziyod yangi ish o‘rinlari yaratiladi.
“Navoiy” EIZda 2017—2019-yillarda 251,4 million dollarga teng 39 ta loyiha amalga oshirilishi rejalashtirilgan, shuning 80,6 millioni — xorijiy investitsiyalar va 88,5 millioni — tijorat banklari kreditlari. Qariyb 2500 ta yangi ish o‘rinlari paydo bo‘ladi.
Izoh (0)