O‘zbekiston milliy terma jamoasi futbolchilari hisoblangan Sardor Rashidov va Eldor Shomurodov mavsumni yangi klublarda boshlaydi. Rashidov Amirliklarning “Al-Jazira” klubi bilan shartnoma imzolagan bo‘lsa, Shomurodov Rossiyaning “Rostov”i bilan kelishuvga erishgandi.
Sardorning BAA chempioni bilan shartnomasi 2 yilga mo‘ljallangan. Kecha — 16-iyul kuni “Al-Jazira” buni rasman e’lon qildi va O‘zbekiston milliy terma jamoasi a’zosini klubning yangi futbolchisi sifatida tanishtirdi.
“Rostov” klubi rasmiy sayti esa Eldor Shomurodovning transferini tasdiqladi. Jamoa rasmiy saytida ma’lum qilinishicha, hujumchi rostovliklar bilan 4 yillik kelishuvga erishgan va klubida 14-raqam ostida harakat qiladi.
“Rostov”da yana bir qator futbolchilar paydo bo‘lgan ersa-da, jamoa rasmiy sayti aynan Shomurodovning tashrifini muxlislar uchun kutilmagan sovg‘a deb atadi.
Izoh (0)