Rossiya mezbonligida o‘tayotgan futbol bo‘yicha Konfederatsiyalar kubogining 3-o‘rin uchun bahsi o‘tkazildi. Unda yarim finalda omadsizlikka uchragan ikki jamoa Portugaliya hamda Meksika terma jamoalari o‘zaro hisob-kitob qilib oldi.
Guruh bahslarida durangga imzo chekkan jamoalar o‘rtasidagi bu uchrashuv dramatik tarzda kechib, unda Ronaldusiz maydonga tushgan Portugaliyaning omadi chopdi. 1-bo‘limda Meksika darvozasi tomon penalti belgilandi, ammo uni Andre Silva aniq amalga oshira olmadi. O‘yinda har ikki jamoaning bittadan o‘yinchisiga qizil kartochka ko‘rsatilgan bo‘lsa, Meksika bosh murabbiyi ham qo‘shimcha bo‘limda maydondan chetlatildi.
Zaxiradan o‘yinga qo‘shilgan Adriyen Silva tomonidan qo‘shimcha bo‘limda urilgan gol Yevropa chempionlariga Konfederatsiyalar kubogida 3-o‘rin sohibi bo‘lish uchun zamin yaratdi.
Eslatib o‘tamiz, bugun musobaqaning final bahsi Germaniya hamda Chili terma jamoalari o‘rtasida Toshkent vaqti bilan 23:00 da o‘tkazilishi belgilangan.
Konfederatsiyalar kubogi3-o‘rin uchun bahs2-iyul, yakshanba
Portugaliya — Meksika 2:1
Gollar: Netu - avtogol, 54 (0:1). Pepe, 90+1 (1:1). Adriyen Silva, 104 (2:1).Amalga oshirilmagan penalti: Andre Silva, 17 (darvozabon).
Chetlatishlar: Nelson Semedu, 106. Raul Ximenes, 112.
Izoh (0)