25-iyun, yakshanba kuni Rossiya mezbonligida o‘tayotgan futbol bo‘yicha Konfederatsiyalar kubogi “B” guruhining so‘nggi tur bellashuvlari o‘tkazildi.
Unda amaldagi Jahon chempioni Germaniya Afrika chempioni Kamerun terma jamoasini 3:1 hisobida mag‘lub etgan bo‘lsa, Chili hamda Avstraliya milliy terma jamoalari esa o‘zaro murosa ko‘chasini tanlab, o‘yin 1:1 hisobida yakuniga yetishini ta’minlashdi. Shu tariqa Germaniya guruhda 7 ochko bilan 1-o‘rin bilan keyingi bosqichga chiqqan bo‘lsa, Chili terma jamoasi esa guruhda 5 ochko bilan ikkinchi o‘rin sohibi sifatida yarim finalga yo‘l oldi.
Konfederatsiyalar kubogi“B” guruhi. 3-tur25-iyun, yakshanba
Germaniya — Kamerun 3:1
Gollar: Demirbay, 48 (1:0). Verner, 66 (2:0). Abubakar, 78 (2:1). Verner, 81 (3:1).Konfederatsiyalar kubogi“B” guruhi. 3-tur25-iyun, yakshanba
Chili — Avstraliya 1:1
Gollar: Troizi, 42 (0:1). Rodriges, 67 (1:1).Shu tariqa Konfederatsiyalar kubogi bahslarining guruh bosqich o‘yinlari o‘z yakuniga yetdi va yarim final juftliklari ma’lum bo‘ldi. U quyidagicha ko‘rinish oldi:
Yarim final juftliklari:
Portugaliya — ChiliGermaniya — Meksika
Portugaliya va Chili o‘rtasidagi bahs 28-iyunda bo‘lib o‘tsa, Germaniya va Meksika o‘yini 29-iyunga belgilangan. O‘yinlar Toshkent vaqti bilan 23:00 da bo‘lib o‘tadi.
Izoh (0)