Facebook ijtimoiy tarmog‘idagi “Voditeli Tashkenta” guruhining foydalanuvchilari Toshkent ko‘chalarida kezib yurgan vezdexodning suratlarini e’lon qildi, deb xabar berdi “1news.uz”.
Suratdagi transport vositasi UAZ Patriot avtomobillari negizida yaratilgan “Yamal” vezdexodi ekani aytilmoqda. Mashina eng chekka shimoliy hududlardagi ishlarga mo‘ljallab loyihalashtirilgan.
“O‘zbekistonda bunday vezdexodlarga talab bo‘lgan korxona yoki tashkilotlar bormi? Bizda bunday botqoqliklar yo‘q-ku”, — deb yozadi foydalanuvchilardan biri. Uning so‘zlariga ko‘ra, u Angrendan bo‘lib, ochiq tarzda ko‘mir qazib olinuvchi konda ishlagan. “Hatto o‘sha yerda ham ularga talab yo‘q. Oddiy Hunter va 4×4 uaziklar barcha ishni uddalab ketadi”, — deya yozadi Bobur Alimov ismli foydalanuvchi.
Dilshod ismli foydalanuvchining yozishicha, “yaqinda kimdir bu mashinani to‘yi sabab ijaraga olishi aniq”.
Izoh (0)