Yaponiyada 13-iyul, payshanba tongida ikki nafar jinoyatchi qatl qilindi. NHK telekanalining adliya vazirligiga asoslanib ma’lum qilishicha, 61 yoshli Masakadzu Nisikava va 34 yoshli Koiti Sumida qatl qilingan, deb xabar berdi “Korrespondent.net”.
Masakadzu 26 yil oldin o‘g‘rilik maqsadida ovqatlanish maskani xo‘jayinlari bo‘lgan to‘rt nafar ayolni o‘ldirgan. U 2005-yilda o‘lim jazosiga hukm qilingan. Koiti esa o‘zining sobiq hamkasbini o‘ldirgan va bo‘laklarga bo‘lib tashlagan. U 2013-yilda o‘lim jazosiga hukm qilingan.
Yaponiyada bundan oldingi o‘lim hukmi o‘tgan yilning noyabrida amalga oshirilgan. Sindzo Abe 2012-yil dekabrida bosh vazir etib tayinlanganidan beri 19 kishi qatl qilingan.
Hozirda yana 130 kishi o‘zining o‘limni kutmoqda. Yaponiyada qatl jarayoni dorga osish orqali amalga oshiriladi.
Xalqaro inson huquqlari tashkilotlari Yaponiyani jazoning ushbu turini bekor qilishga chaqirmoqda. Sudlangan o‘zining qatl vaqtini yillab kutishi mumkin, biroq u hukm ijro etiladigan kunning tonggida bundan xabar topadi.
Izoh (0)