Leningrad viloyatining Kolpino shahridagi angarda yuzaga kelgan yong‘inda 7 kishi halok bo‘ldi. Bu haqda “TASS” xabar bermoqda.
“Yong‘in maydoni 600 kvadrat metrni tashkil etdi. Tom qisman qulab tushdi. Alangalanish tezda bartaraf etildi. Biroq vayronalar ostidan 7 nafar ishchining jasadi topildi”, — dedi agentlikning favqulodda xizmatlardagi manbasi.
Dastlabki ma’lumotlarga ko‘ra, o‘lganlarning barchasi yo‘lak plitkasi ishlab chiqariladigan angarda ishlayotgan O‘zbekiston fuqarolari bo‘lgan.
Rossiya Tergov qo‘mitasi mazkur hodisa yuzasidan jinoiy ish qo‘zg‘adi.
Izoh (0)