Yaponiyalik ijrochi Piko-Taro (haqiqiy ismi-sharifi — Kazuxito Kosaka) o‘zining mashhur Pen-Pineapple-Apple-Pen (“Qalam-ananas-olma-qalam”) nomli qo‘shig‘ini BMT shtab-kvartirasidagi chiqishi uchun o‘zgartirdi. Bu haqda Associated Press xabar bermoqda.
Kompozitsiya BMTning barqaror rivojlanish borasidagi maqsadlarini ilgari surish, jumladan, qashshoqlik, iqlim o‘zgarishi va boshqa muammolarga qarshi kurashga bag‘ishlangan. Loyihaning ommalashtirish uchun internet-auditoriya diqqatini o‘ziga qaratishga ulgurgan yapon kulgu ustasi jalb etildi.
2016-yil oktabrida Pen-Pineapple-Apple-Pen qo‘shig‘i Billboard nashri eng yaxshi qo‘shiqlar ro‘yxatiga kirgan eng qisqa kompozitsiya sifatida Ginnesning rekordlar kitobidan o‘rin oldi. Qo‘shiq klipi Facebook’da 50 million, YouTube’da esa 200 million marotabadan ko‘proq ko‘rildi.
Izoh (0)