15-iyul Turkiyada birodarlik va birlik kuni bo‘ladi. Turkiya prezidenti Rajab Toyyib Erdo‘g‘on 2016-yil 15-iyulda amalga oshirilgan davlat to‘ntarishiga urinishning bir yilligi munosabati bilan mahalliy va xalqaro jurnalistlar bo‘lib o‘tgan uchrashuvda chiqish qildi. Bu haqda uchrashuvda ishtirok etgan “Daryo” muxbiri xabar berdi.
Turkiya bosh vaziri apparati hamda matbuot va axborot bosh boshqarmasi tomonidan davlat to‘ntarishiga urinishning bir yilligi munosabati tashkil etilgan media dastur doirasida jurnalistlar oldida chiqish qilgan Turkiya prezidenti 15-iyulning mamlakatda birodarlik va birlik kuni bo‘lishini ma’lum qildi. Uning ta’kidlashicha, voqealar bo‘lib o‘tgan joylarda qurbonlar xotirasiga bag‘ishlangan yodgorliklar o‘rnatiladi.
Uchrashuv doirasida bir yil avval yuz bergan voqea qurbonlari xotirasiga bag‘ishlangan “Milliy iroda g‘alabasi” nomli kitob taqdimoti bo‘lib o‘tdi. Kitobda davlat to‘ntarishi vaqtida halok bo‘lganlar haqida ma’lumot keltirilgan.
Shuningdek, Erdo‘g‘on o‘z so‘zida davlat to‘ntarishi ustidan xalq irodasi g‘alaba qozonganini qayd etar ekan, mamlakatda birorta ham terrorchi qolmagunicha kurashni davom ettirishini ta’kidlab o‘tdi.
Izoh (0)