Yaponiya janubi-g‘arbidagi toshqinlar qurbonlari soni 29 kishiga yetdi. 20 kishi bedarak yo‘qolgan hisoblanmoqda. Bu haqda “Korrespondent.net” xabar berdi.
Oldinroq tabiiy ofat oqibatida 18 kishi o‘lgani bildirilgandi.
Falokat hududida salkam 1000 ta uy vayron bo‘ldi, 1,3 ming kishi evakuatsiya punktlarida yashamoqda.
Kyusyu orolida o‘tgan haftadan beri davom etgan yomg‘irlar tufayli ko‘plab toshqinlar va ko‘chkilar yuz berdi. Orolga birinchi sutkalar davomida yopirilgan yog‘inlar miqdori iyulning bir oylik me’yoridan oshib ketdi.
Izoh (0)