Turkiya adliya vaziri Bakir Bo‘zdog‘ 2016-yil 15-iyulda bo‘lib o‘tgan davlat to‘ntarishiga urinishning bir yilligi munosabati bilan 2017-yil 12-iyulda mahalliy va xalqaro jurnalistlar oldida chiqish qildi. Vazir o‘z so‘zida davlat to‘ntarishining tashkilotchisi hisoblangan Fathulloh Gulenning ayni vaqtdagi faoliyatiga nisbatan AQSh va Yevropani ogohlikka chaqirdi.
Bakir Bo‘zdog‘ bir yil avval yuz bergan Turkiyadagi davlat to‘ntarishiga urinish Fathulloh Gulenning shaxsan ko‘rsatmasi asosida amalga oshirilganini qayd etib o‘tdi. Vazirning ta’kidlashicha, Turkiya parlamenti binosiga bomba tashlangan vaqtda u shu binoda bo’lgan. “Agar bomba 20 metr yaqinroqda portlaganida, balki hozir men bu yerda bo‘lmagan bo‘lardim”, — dedi Turkiya adliya vaziri o‘z so‘zida.
Vazir Fathulloh Gulen boshchilik qilayotgan harakatga Yevropa va AQShning e’tiborsizligini qayd etgan holda, “Agar AQSh va Yevropa bizning ogohlantirishlarimizga e’tibor qilmasa, 20 yildan so‘ng ular Turkiya boshidan o‘tkazganidan ko‘ra og‘irroq voqealarni boshidan o‘tkazadi”, — dedi Bakir Bo‘zdog‘.
Ben Laden AQSh va Yevropa uchun qanchalik xavfli bo‘lgan bo‘lsa, Gulen Turkiya uchun shunchalik xavf tug‘diradi. Bu tashkilot boshqa mamlakatlar uchun ham xavf tug‘diradi. Biroq boshqa mamlakatlar hali buni boshidan o‘thazgani yo‘q. Yevropa voqealar yuzasidan biz tayyorlab bergan hisobotlarga hech qanday reaksiya bildirmayapti.Bakir Bo‘zdog‘, Turkiya adliya vaziri
Izoh (0)