Туркия адлия вазири Бакир Бўздоғ 2016 йил 15 июлда бўлиб ўтган давлат тўнтаришига уринишнинг бир йиллиги муносабати билан 2017 йил 12 июлда маҳаллий ва халқаро журналистлар олдида чиқиш қилди. Вазир ўз сўзида давлат тўнтаришининг ташкилотчиси ҳисобланган Фатҳуллоҳ Гуленнинг айни вақтдаги фаолиятига нисбатан АҚШ ва Европани огоҳликка чақирди.
Бакир Бўздоғ бир йил аввал юз берган Туркиядаги давлат тўнтаришига уриниш Фатҳуллоҳ Гуленнинг шахсан кўрсатмаси асосида амалга оширилганини қайд этиб ўтди. Вазирнинг таъкидлашича, Туркия парламенти биносига бомба ташланган вақтда у шу бинода бўлган. «Агар бомба 20 метр яқинроқда портлаганида, балки ҳозир мен бу ерда бўлмаган бўлардим», — деди Туркия адлия вазири ўз сўзида.
Вазир Фатҳуллоҳ Гулен бошчилик қилаётган ҳаракатга Европа ва АҚШнинг эътиборсизлигини қайд этган ҳолда, «Агар АҚШ ва Европа бизнинг огоҳлантиришларимизга эътибор қилмаса, 20 йилдан сўнг улар Туркия бошидан ўтказганидан кўра оғирроқ воқеаларни бошидан ўтказади», — деди Бакир Бўздоғ.
Бен Ладен АҚШ ва Европа учун қанчалик хавфли бўлган бўлса, Гулен Туркия учун шунчалик хавф туғдиради. Бу ташкилот бошқа мамлакатлар учун ҳам хавф туғдиради. Бироқ бошқа мамлакатлар ҳали буни бошидан ўтҳазгани йўқ. Европа воқеалар юзасидан биз тайёрлаб берган ҳисоботларга ҳеч қандай реакция билдирмаяпти.Бакир Бўздоғ, Туркия адлия вазири
Изоҳ (0)