AQSh prezidenti Donald Tramp Gamburgdagi uchrashuv chog‘ida Rossiya yetakchisi Vladimir Putindan uni qo‘llab-quvvatlagani haqida so‘ramaganidan afsusda. Bu haqda uning o‘zi Reuters agentligiga bergan intervyusida ma’lum qildi, deya xabar beradi “TASS.
“Putinga meni qo‘lab-quvvatlaganingiz rostmi, deb savol bermaganimdan afsusdaman. Shunisi ham borki, qator yo‘nalishlar bo‘yicha munosabatim Rossiya nuqtayi nazaridan farq qiladi”, — dedi AQSh prezidenti.
Tramp uning shtabi va Rossiya mansabdor shaxslari bilan aloqalar haqidagi da’volarni rad etdi.
“Hech qanday muvofiqlashtirish bo‘lmagan. Bu men eshitganlarim orasida eng ahmoqona taxmin”, — ta’kidladi Tramp.
AQSh prezidenti bu mavzu atrofidagi gap-so‘zlar uning ma’muriyati faoliyatiga xalal bermayotganligi, Oq uy “demokratlarning to‘qimalariga qaramay, ajoyib tarzda ish olib borayotgani”ni bildirdi.
Izoh (0)