Япониялик ижрочи Piko-Taro (ҳақиқий исми-шарифи — Казухито Косака) ўзининг машҳур Pen-Pineapple-Apple-Pen («Қалам-ананас-олма-қалам») номли қўшиғини БМТ штаб-квартирасидаги чиқиши учун ўзгартирди. Бу ҳақда Associated Press хабар бермоқда.
Композиция БМТнинг барқарор ривожланиш борасидаги мақсадларини илгари суриш, жумладан, қашшоқлик, иқлим ўзгариши ва бошқа муаммоларга қарши курашга бағишланган. Лойиҳанинг оммалаштириш учун интернет-аудитория диққатини ўзига қаратишга улгурган япон кулгу устаси жалб этилди.
2016 йил октябрида Pen-Pineapple-Apple-Pen қўшиғи Billboard нашри энг яхши қўшиқлар рўйхатига кирган энг қисқа композиция сифатида Гиннеснинг рекордлар китобидан ўрин олди. Қўшиқ клипи Facebook’да 50 миллион, YouTube’да эса 200 миллион маротабадан кўпроқ кўрилди.
Изоҳ (0)