Berlindagi Rojdestvo yarmarkasida o‘tgan yil dekabrida terakt amalga oshirgan tunislik Anis Amriyning jasadi vataniga qaytarildi. Bu haqda “Interfaks” xabar bermoqda.
Jasad terrorchi Italiya politsiyasi tomonidan otib o‘ldirilgan Milandan yuborildi. Bu yerdagi o‘likxonada jasad Tunisga jo‘natish bilan bog‘liq masalalar hal etilgunga qadar uzoq vaqt qolib ketgandi.
2016-yilning 19-dekabrida yuk mashinasining Berlinning Braytshaydplats maydonidagi Rojdestvo yarmarkasiga kelgan olomonga bostirib borishi oqibatida 12 kishi halok bo‘ldi, 50 ga yaqin kishi jabrlandi.
Mashinadan Amriyning hujjatlari topilgan va qo‘l izlari aniqlangandi.
Izoh (0)