Janubiy Koreya prezidenti Mun Chje In Vashingtonda so‘zlagan nutqida Pxenyanning yadroviy provokatsiyani to‘xtatishga va’da berishi yoki KXDRda saqlanayotgan AQSh fuqarolarining qo‘yib yuborilishi muloqot uchun asos bo‘lib xizmat qilishi mumkinligini ma’lum qildi. Bu haqda “RIA Novosti”ga tayanib, “Gazeta.ru” xabar berdi.
“Masalan, biz Shimoliy Koreya bilan muloqotni qachonki u yadroviy va ballistik provokatsiyani to‘xtatishga va’da bersa boshlashimiz mumkin. Yoki muloqot uchun KXDRda saqlanayotgan uch nafar amerikalikning ozod etilishi ham ishonchli asos bo‘lib xizmat qilishi mumkin”, — dedi Mun Chje In.
Shu bilan birga u “hozirda biz ushbu shartlar aynan qanday bo‘lishi mumkinligini aniq ayta olmaymiz” deya ta’kidladi. Bundan tashqari prezident “pirovard maqsad Shimoliy Koreyaning yadroviy dasturini yo‘q qilish” va bu bosqichma-bosqich amalga oshirilishi kerak hamda dasturning yo‘q qilinishidagi har bir qadam tekshirilishi lozim, deya qayd etdi.
Izoh (0)