Kecha — 30-iyun kuni futbol bo‘yicha O‘zbekiston kubogining chorak finalidan joy olgan 3 ta bellashuv o‘tdi. To‘rtinchisi 4-iyul kuni Buxoroda o‘tkaziladi.
Vadim Abramov va Mirjalol Qosimov murabbiylik qilayotgan klublar Farg‘onada to‘qnash keldi. Uchrashuv “qaldirg‘ochlar”ning 2:1 hisobidagi g‘alabasi bilan yakuniga yetdi va toshkentliklar javob o‘yini oldidan o‘z imkoniyatini yaxshilab oldi.
Uchrashuvda ikki nafar mutaxassisning o‘g‘illari o‘z nomini tabloga yozib qo‘ydi. “Neftchi” safida Murod Ismoilovning farzandi o‘zini ko‘rsatgan bo‘lsa, “Bunyodkor” tarkibida Mirjamol Qosimov jamoasiga g‘alaba keltirgan golga mualliflik qildi.
Vadim Abramov “Neftchi”ni qabul qilib olganidan so‘ng farg‘onaliklar to‘rt uchrashuvda maydonga tushdi va uch bor imkoniyatni boy berdi. Yana bitta bellashuv durang bilan yakuniga yetdi.
Samarqandda mehmon bo‘lgan “Mash’al” Maradonaning yagona goli evaziga muvaffaqiyat qozondi. “Nasaf” esa o‘zining yangi stadionida qo‘qonlik futbolchilarni yirik hisobda taslim qildi.
O‘zbekiston kubogi Chorak final 30-iyun, juma
“Dinamo” — “Mash’al” 0:1
Gol: Maradona Safarov, 56 (0:1).“Neftchi” — “Bunyodkor” 1:2
Gollar: Doston Hamdamov, 44 (0:1). Muzaffar Muzaffarov, 71-pen (1:1). Mirjamol Qosimov, 89 (1:2).“Nasaf” — “Qo‘qon-1912” 4:1
Gollar: Dilshod Rahmatullayev, 52 (1:0). Suhrob Berdiyev, 56 (1:1). Bahrom Abdurahimov, 58 (2:1). Bahrom Abdurahimov, 81 (3:1). Islom Kenjaboyev, 90+3 (4:1).4-iyul, seshanba“Buxoro” — “Lokomotiv”
Kecha, shuningdek, Oliy liganing 3-turidan qolib ketgan uchrashuv o‘tkazilib, unda “Lokomotiv” futbolchilari “Metallurg” ustidan zafar quchdi — 3:1. Ayni paytda “temiryo‘lchilar” Oliy ligada yaqqol peshqadam bo‘lib turibdi.
O‘zbekiston Oliy ligasi 3-turdan qolgan o‘yin 30-iyun, juma
“Lokomotiv” — “Metallurg” 3:1
Gollar: Jahongir Abdumo‘minov, 22 (0:1). Murod Bobojonov, 52 (1:1). Azizbek Omonov, 63 (2:1). Timur Kapadze, 74 (3:1).
Izoh (0)