Кеча — 30 июнь куни футбол бўйича Ўзбекистон кубогининг чорак финалидан жой олган 3 та беллашув ўтди. Тўртинчиси 4 июль куни Бухорода ўтказилади.
Вадим Абрамов ва Миржалол Қосимов мураббийлик қилаётган клублар Фарғонада тўқнаш келди. Учрашув «қалдирғочлар»нинг 2:1 ҳисобидаги ғалабаси билан якунига етди ва тошкентликлар жавоб ўйини олдидан ўз имкониятини яхшилаб олди.
Учрашувда икки нафар мутахассиснинг ўғиллари ўз номини таблога ёзиб қўйди. «Нефтчи» сафида Мурод Исмоиловнинг фарзанди ўзини кўрсатган бўлса, «Бунёдкор» таркибида Миржамол Қосимов жамоасига ғалаба келтирган голга муаллифлик қилди.
Вадим Абрамов «Нефтчи»ни қабул қилиб олганидан сўнг фарғоналиклар тўрт учрашувда майдонга тушди ва уч бор имкониятни бой берди. Яна битта беллашув дуранг билан якунига етди.
Самарқандда меҳмон бўлган «Машъал» Марадонанинг ягона голи эвазига муваффақият қозонди. «Насаф» эса ўзининг янги стадионида қўқонлик футболчиларни йирик ҳисобда таслим қилди.
Ўзбекистон кубоги Чорак финал 30 июнь, жума
«Динамо» — «Машъал» 0:1
Гол: Марадона Сафаров, 56 (0:1).«Нефтчи» — «Бунёдкор» 1:2
Голлар: Достон Ҳамдамов, 44 (0:1). Музаффар Музаффаров, 71-пен (1:1). Миржамол Қосимов, 89 (1:2).«Насаф» — «Қўқон-1912» 4:1
Голлар: Дилшод Раҳматуллаев, 52 (1:0). Суҳроб Бердиев, 56 (1:1). Баҳром Абдураҳимов, 58 (2:1). Баҳром Абдураҳимов, 81 (3:1). Ислом Кенжабоев, 90+3 (4:1).4 июль, сешанба«Бухоро» — «Локомотив»
Кеча, шунингдек, Олий лиганинг 3-туридан қолиб кетган учрашув ўтказилиб, унда «Локомотив» футболчилари «Металлург» устидан зафар қучди — 3:1. Айни пайтда «темирйўлчилар» Олий лигада яққол пешқадам бўлиб турибди.
Ўзбекистон Олий лигаси 3-турдан қолган ўйин 30 июнь, жума
«Локомотив» — «Металлург» 3:1
Голлар: Жаҳонгир Абдумўминов, 22 (0:1). Мурод Бобожонов, 52 (1:1). Азизбек Омонов, 63 (2:1). Тимур Кападзе, 74 (3:1).
Изоҳ (0)