AQShda 29-iyun, payshanba kuni prezident Donald Trampning immigratsiya bo‘yicha farmoni kuchga kirdi. Bu haqda “Interfaks” xabar bermoqda.
6 mamlakat — Eron, Liviya, Suriya, Somali, Sudan va Yaman fuqarolari uchun AQShga kirishga 90 kunlik taqiq amal qila boshladi. Biroq ular AQShda yaqin qarindoshlari, biznesi, vizasi yoki fuqaroligi bo‘lgan, shuningdek, mamlakatda o‘qigan yoki o‘qiyotganlarga tegishli emas.
Shuningdek, qochoqlarni qabul qilishga 120 kunlik taqiq ham kuchga kirdi.
AQSh Oliy sudi immigratsiya bo‘yicha farmonning ikkinchi, birmuncha “yumshoqroq” ko‘rinishiga ruxsat bergani bildirilmoqda. Birinchisi kabi ushbu hujjat ham prezident farmoyishini noqonuniy deb topgan bir necha sud tomonidan to‘xtatib qo‘yilgan edi.
Izoh (0)