Tailandda Eliza Dallemange ismli 30 yashar belgiyalik qizning o‘limi yuzasidan tergov bo‘lmoqda. Uning jasadi aprel oyining oxirlarida Tau orolidan, echkemar tomonidan parchalab tashlangan holda topilgan edi. Politsiya halok bo‘lganning yaqinlariga qiz o‘z joniga qasd qilgan deya xabar bergan, biroq Elizaning oilasi bunga ishonmagan. Bu haqda Metro’ga tayanib, “Vesti.ru” xabar berdi.
Dallemangening tanasi echkemar tomonidan shu qadar kuchli parchalab tashlanganki, faqatgina stomatologik ekspertiza orqali uning shaxsini aniqlashga muvaffaq bo‘lingan.
Qizning ota-onasini aytishicha, so‘nggi oylarda u dunyo bo‘ylab sayohat qilgan, yogani o‘rgangan va meditatsiya bilan shug‘ullangan. Belgiya fuqarosi qarindoshlari bilan o‘limidan bir necha kun oldin Skype orqali gaplashgan. Qizning kayfiyati a’lo bo‘lgan, u “orol jannat”da tabiat bilan uyg‘unlikda yashayotganidan baxtli ekanligini so‘zlagan.
Elizaning ota-onasi qizning tanasi yonidan o‘lim oldi xati topilmaganidan shubhalanmoqda. Jurnalistlarning taxminicha, Tailand politsiyasi turistlarni cho‘chitib yubormaslik uchun xorijlik qizning o‘limiga aniq nima sabab bo‘lganini aytmayapti.
So‘nggi uch yil ichida Tau orolida yetti kishi halok bo‘lgan. Ularning barchasi uzunligi uch metrgacha keladigan echkemarlar qurboniga aylangan. Ular zaharli bo‘lib, chaqishi ko‘pincha o‘limga olib keladi.
Izoh (0)