Жанубий Корея президенти Мун Чжэ Ин Вашингтонда сўзлаган нутқида Пхеньяннинг ядровий провокацияни тўхтатишга ваъда бериши ёки КХДРда сақланаётган АҚШ фуқароларининг қўйиб юборилиши мулоқот учун асос бўлиб хизмат қилиши мумкинлигини маълум қилди. Бу ҳақда «РИА Новости»га таяниб, «Газета.ru» хабар берди.
«Масалан, биз Шимолий Корея билан мулоқотни қачонки у ядровий ва баллистик провокацияни тўхтатишга ваъда берса бошлашимиз мумкин. Ёки мулоқот учун КХДРда сақланаётган уч нафар америкаликнинг озод этилиши ҳам ишончли асос бўлиб хизмат қилиши мумкин», — деди Мун Чжэ Ин.
Шу билан бирга у «ҳозирда биз ушбу шартлар айнан қандай бўлиши мумкинлигини аниқ айта олмаймиз» дея таъкидлади. Бундан ташқари президент «пировард мақсад Шимолий Кореянинг ядровий дастурини йўқ қилиш» ва бу босқичма-босқич амалга оширилиши керак ҳамда дастурнинг йўқ қилинишидаги ҳар бир қадам текширилиши лозим, дея қайд этди.
Изоҳ (0)