O‘zbekiston Bosh prokuraturasi huzuridagi Majburiy ijro byurosi axborot-kommunikatsiya texnologiyalarini joriy etish Markazi va uning hududiy bo‘linmalariga xodimlar tanlovi e’lon qilindi. Bu haqda Bosh prokuratura matbuot xizmati xabar bermoqda.
Markazga dasturchi, ma’lumotlar bazasi administratori, korporativ tarmoq administratori, texnik hujjatlashtirish bo‘yicha muhandis, veb-dizayner, axborot xavfsizligi va axborot texnologiyalari bo‘yicha mutaxassislar tanlov asosida qabul qilinadi.
Mazkur lavozimlar bo‘yicha 7 milliondan 11 million so‘mgacha miqdorda ish haqi to‘lanishi ko‘zda tutilgan. MIB xodimlari uchun belgilangan imtiyozlar, moddiy va ijtimoiy himoya choralari Markaz va uning hududiy bo‘linmalari xodimlariga ham taalluqli bo‘ladi.
Tanlovda ishtirok etish uchun hujjatlar joriy yil 15-iyuligacha qabul qilinishi bildirilmoqda.
Izoh (0)