Ўзбекистон Бош прокуратураси ҳузуридаги Мажбурий ижро бюроси ахборот-коммуникация технологияларини жорий этиш Маркази ва унинг ҳудудий бўлинмаларига ходимлар танлови эълон қилинди. Бу ҳақда Бош прокуратура матбуот хизмати хабар бермоқда.
Марказга дастурчи, маълумотлар базаси администратори, корпоратив тармоқ администратори, техник ҳужжатлаштириш бўйича муҳандис, веб-дизайнер, ахборот хавфсизлиги ва ахборот технологиялари бўйича мутахассислар танлов асосида қабул қилинади.
Мазкур лавозимлар бўйича 7 миллиондан 11 миллион сўмгача миқдорда иш ҳақи тўланиши кўзда тутилган. МИБ ходимлари учун белгиланган имтиёзлар, моддий ва ижтимоий ҳимоя чоралари Марказ ва унинг ҳудудий бўлинмалари ходимларига ҳам тааллуқли бўлади.
Танловда иштирок этиш учун ҳужжатлар жорий йил 15 июлигача қабул қилиниши билдирилмоқда.
Изоҳ (0)