AQSh prezidenti Donald Tramp va Hindiston bosh vaziri Narendra Modi Vashingtondagi muzokaralar davomida Afg‘onistondagi vaziyatni barqarorlashtirish bo‘yicha urinishlarni muhokama qildi. Bu haqda “Afghanistan.ru” xabar bermoqda.
Uchrashuvdan keyingi matbuot anjumanida Modi Afg‘onistonda terrorchilik tahdidi bilan bog‘liq beqarorlikning ortib borishidan ikki davlat ham tashvishda ekanligi, shu bilan birga, tomonlar Afg‘onistonni tiklash va mamlakatda xavfsizlikni ta’minlashga harakat qilayotganini ta’kidladi.
Mazkur uchrashuv arafasida Hindiston OAVlarida AQSh mamlakatdan Afg‘onistonga qo‘shinlar yuborishni so‘rashi mumkinligi haqidagi taxminlar paydo bo‘ldi. Biroq muzokaralar hisobotida bunday imkoniyat muhokama etilgani qayd qilinmagan.
Izoh (0)