АҚШ президенти Дональд Трамп ва Ҳиндистон бош вазири Нарендра Моди Вашингтондаги музокаралар давомида Афғонистондаги вазиятни барқарорлаштириш бўйича уринишларни муҳокама қилди. Бу ҳақда «Afghanistan.ru» хабар бермоқда.
Учрашувдан кейинги матбуот анжуманида Моди Афғонистонда террорчилик таҳдиди билан боғлиқ беқарорликнинг ортиб боришидан икки давлат ҳам ташвишда эканлиги, шу билан бирга, томонлар Афғонистонни тиклаш ва мамлакатда хавфсизликни таъминлашга ҳаракат қилаётганини таъкидлади.
Мазкур учрашув арафасида Ҳиндистон ОАВларида АҚШ мамлакатдан Афғонистонга қўшинлар юборишни сўраши мумкинлиги ҳақидаги тахминлар пайдо бўлди. Бироқ музокаралар ҳисоботида бундай имконият муҳокама этилгани қайд қилинмаган.
Изоҳ (0)