Yo‘q bo‘lib ketgan deb hisoblanib kelingan tabiat mo‘jizasi hozirda qayerda ekanligi aniqlandi. Issiq geotermal suvlardan hosil bo‘lgan pushti hamda oq terrasalar qoyasimon balandliklar kabi ko‘rinish beradi, deb xabar beradi “Nauka”.
Yangi Zelandiyaning Shimoliy orolida joylashgan Rotomaxana ko‘li XIX asr oxirlarida minglab turistlarni o‘ziga jalb qilgan. Ajoyib sharsharaning balandligi sakkiz qavatli bino balandligiga teng edi, biroq 1886-yilda u qo‘shni vulqonning otilishi oqibatida vayron bo‘lgan. Shundan beri ushbu tabiat mo‘jizasi Yer yuzidan butunlay yo‘qoldi, deya hisoblanib kelingan.
XIX asrda yashagan nemis geografi Ferdinand fon Xoxshtetterning kundaligini tadqiq qilish natijasida terrasaning avval joylashgan o‘rnini topishga muvaffaq bo‘lindi. Xoxshtetterning kundaligi ushbu joyning taxminiy koordinatalari va yo‘nalishlari bitilgan yagona qo‘lyozma sifatida saqlanib qolgan. Aniqlanishicha, ushbu terrasalar yo‘q bo‘lib ketmagan, shunchaki 15 metrli vulqon kuli ostida qolgan. Ko‘l hamda atrof-muhit uning tashqi ko‘rinishini o‘zgartirib yuborgan, shuning uchun terrasa manzilini aniqlashning imkoni bo‘lmagan.
Izoh (0)