Shanxay politsiyasi san’at asarlarining noqonuniy kimoshdi savdosini tashkillashtirishda hamda kamida to‘qqiz ming kolleksionerni 46 million yuanga (6,7 million dollar) aldaganlikda gumonlab 53 kishini qo‘lga oldi. Bu haqda “Shanxay jibao”ga tayanib, “TASS” xabar berdi.
Firibgarlar uch yil davomida san’at asarlarining kimoshdi savdosini o‘tkazish xizmatini taklif qilib, “Szintan” kompaniya belgisi ostida faoliyat yuritgan. Tashkilotchilar soxta bo‘lib chiqqan savdolarni o‘tkazish uchun mijozlardan 6 mingdan 40 ming yuangacha (882 dollardan 5,8 ming dollargacha) pul olgan.
Shuningdek, firibgarlar san’at asarlarining reklamasini hech qayerdan ro‘yxatdan o‘tmagan “San’atdagi sarmoya” jurnalida chop etishni ham taklif qilgan. Politsiya bayonotida aytilishicha, savdoda 250 yuandan (36 dollar) pul olgan soxta shaxslar ishtirok etgan.
Kolleksionerlarni kimoshdi savdolariga san’at asariga shundoq ham savdo vaqtida hech kim taklif qilmaydigan yuqori narx va’da qilib jalb qilishgan. So‘nggi ikki yil davomida bu turdagi kimoshdi savdolardan bir nechtasi tashkillashtirilgan. Ular asosan shaharning qimmat mehmonxonalarida bo‘lib o‘tgan.
Izoh (0)