Musulmonlarga xos liboslarda jinoyatlarni amalga oshirayotgan shaxslar ikki karra jazolanishi lozim, chunki bunday qilmishlar islom diniga dog‘ tushiradi. Dubay politsiyasi shunday hisoblamoqda, deya xabar beradi UAE Inside.
Dubay fuqarolik sudi rahbari Ahmad Saif fuqarolar xavfsizligini ta’minlash uchun jamoat joylarida niqob ( ayollarning yopiq bosh kiyimi) o‘rashni man etishni taklif qildi.
Amirlik OAVlari shu munosabat bilan niqob o‘ragan ayol 2015-yilda Abu-Dabidagi valyuta almashtirish shoxobchasida pichoq bilan tahdid qilganini eslatib o‘tdi. Shuningdek, musulmonlar libosiga yashirinib, qotillik va zo‘rlash jinoyatlari sodir etilgan holatlar ham ma’lum.
Dubay politsiyasiga ko‘ra, jinoiy qilmishlarini bu tarzda niqoblash bir yillik qamoq va 10 ming dirham (2700 dollar) miqdoridagi jarima bilan jazolanadi.
Izoh (0)