Мусулмонларга хос либосларда жиноятларни амалга ошираётган шахслар икки карра жазоланиши лозим, чунки бундай қилмишлар ислом динига доғ туширади. Дубай полицияси шундай ҳисобламоқда, дея хабар беради UAE Inside.
Дубай фуқаролик суди раҳбари Аҳмад Саиф фуқаролар хавфсизлигини таъминлаш учун жамоат жойларида ниқоб ( аёлларнинг ёпиқ бош кийими) ўрашни ман этишни таклиф қилди.
Амирлик ОАВлари шу муносабат билан ниқоб ўраган аёл 2015 йилда Абу-Дабидаги валюта алмаштириш шохобчасида пичоқ билан таҳдид қилганини эслатиб ўтди. Шунингдек, мусулмонлар либосига яшириниб, қотиллик ва зўрлаш жиноятлари содир этилган ҳолатлар ҳам маълум.
Дубай полициясига кўра, жиноий қилмишларини бу тарзда ниқоблаш бир йиллик қамоқ ва 10 минг дирҳам (2700 доллар) миқдоридаги жарима билан жазоланади.
Изоҳ (0)