AQSh prezidenti Donald Tramp Rossiya yetakchisi Vladimir Putin bilan G20 sammitida to‘liq shaklda uchrashuv o‘tkazish istagini bildirmoqda. Bu haqda Associated Press manbalariga tayanib, “Gazeta.ru” xabar bermoqda.
Tramp Putin bilan barcha diplomatik rasmiyatchiliklarga rioya etgan holda uchrashishni istamoqda. Xususan, uchrashuvga OAV vakillari kiritilishi, bunday muzokaralar uchun zarur barcha bayonnomalar tayyorlanishiga undamoqda.
Shu bilan birga, AQSh ma’muriyatining ko‘plab vakillari Vashington Moskva bilan munosabatlarda masofa saqlashi, Tramp esa Rossiya prezidenti bilan tezkor va norasmiy uchrashuv o‘tkazishini yoqlamoqda.
Ma’lumot uchun, G20 sammiti shu yil 7—8-iyul kunlari Germaniyaning Gamburg shahrida bo‘lib o‘tadi.
Izoh (0)