Buyuk Britaniya parlamenti xakerlik hujumiga uchradi — kiberjinoyatchilar parlament a’zolarining elektron pochtalariga kirishga urindi. Bu haqda “Kommersant” xabar bermoqda.
Britaniya liberal-demokratlari vakili Kris Rennardning ma’lum qilishicha, elektron pochtaga masofadan turib kirish imkoni yopilib qolgan.
Parlamentning jamoa palatasi matbuot kotibi tuzilmaning kompyuter tizimlarini avtorizatsiya qilmay egallab olishga urinishlar qayd etilganini tasdiqladi.
“Hozirda mazkur holat yuzasidan tekshiruvlar olib borilmoqda”, — deya matbuot kotibining so‘zlaridan iqtibos keltirmoqda Reuters agentligi.
Avvalroq Financial Times gazetasi Britaniya maxsus xizmatlari WannaCry tovlamachi-virusi yordamida yangi xakerlik hujumlari uyushtirilishini taxmin qilayotgani haqida xabar bergan edi.
Maxsus xizmat vakillarining fikricha, ehtimoliy hujumlardan eng ko‘p biznes zarar ko‘rishi mumkin — 1,3 milliondan ziyod kompyuter hali ham mazkur virus oldida ojiz.
Izoh (0)