Sega kompaniyasi o‘zining eng mashhur retro o‘yinlari to‘plamidan iborat Sega Forever servisini ishga tushirganini e’lon qildi. iOS hamda Android tizimlari uchun bepul dasturlari tez orada paydo bo‘ladi. Bu haqda The Verge’ga tayanib, TJournal xabar berdi.
Mobil platformalar Sega Forever servisidan 2017-yilning 22-iyunidan boshlab foydalanishlari mumkin. Avvaliga beshta — Sonic the Hedgehog, Phantasy Star II, Altered Beast, Comiz Zone va Kid Chameleon o‘yinlari paydo bo‘ladi.
Dasturchilar original ssenariy va grafikani saqlab qolishga va’da berdi. Har ikki haftada yangi o‘yinlarni qo‘shib borish rejalashtirilmoqda.
The Next Web nashrining ma’lum qilishicha, Android va iOS tizimlari uchun barcha o‘yinlar chiqib bo‘lgan, biroq AQSh hududidan tashqarida bo‘lgan foydalanuvchilar uchun App Store dasturi orqali yangi o‘yinlarni yozib olishning imkoni bo‘lmagan.
Bepul versiya barcha asosiy funksiyalarni, jumladan, oflayn tizimida o‘ynash, kloud saqlash, geympadni Bluetooth orqali onlayn-reytingda qo‘llab-quvvatlashni o‘z ichiga oladi. Reklamani 2,27 dollar evaziga o‘chirib qo‘yish mumkin bo‘ladi.
Izoh (0)