Telekommunikatsiya va axborot texnologiyalari loyihalari bo‘yicha jahonda yetakchi sanalgan Huawei kompaniyasi (O‘zbekistonda — “IP OOO Huawei Tech Investment Tashkent” MCHJ XK) mobil qurilmalarni ishlab chiqarishda ham o‘z brendini faol ravishda ilgari surmoqda. Bundan tashqari, kompaniya innovatsion qarashlaridan og‘ishmagan holda ta’lim, tibbiyot va transport xizmatlari sohalarida o‘z loyiha va ishlanmalarini taklif qilib kelmoqda. Kompaniyaning 2012—2014 yillarda O‘zbekistondagi muvaffaqiyatli loyihalaridan biri “Elektron ta’lim” bo‘lib (e-Learning), O‘zbekistonning 80 dan ziyod oliy hamda boshqa turdagi o‘quv muassasalarida samarali joriy etildi.
Kompaniya 2016-yildan boshlab Smart Class konsepsiyasiga katta e’tibor qaratishni boshladi. Mazkur yondashuv orqali o‘quvchilar interaktiv rejimda ustozi bilan bog‘lanishi, ham umumiy, ham individual topshiriqlarni bajarishi mumkin. Ushbu g‘oya o‘quvchilarning ham gumanitar, ham texnologik sohalarda rivojlanib, ma’lum fanni chuqurroq o‘zlashtirishiga xizmat qiladi. Toshkent shahrida joylashgan, hamda xitoy tilini chuqur o‘rgatishga ixtisoslashtirilgan 59-sonli umumta’lim maktabi birinchilardan bo‘lib Huawei kompaniyasining Smart Class konsepsiyasidagi sinfiga ega bo‘ldi. Kelasi o‘quv yilidan boshlab maktabda dasturiy ta’minot va smart ishlanmalar o‘quvchilarning fanni o‘zlashtirish salohiyatiga katta ko‘mak berishi kutilmoqda.
Ta’kidlash lozimki, Huawei kompaniyasi 2016-yilda smart texnologiyalari ishlanmasi asosida Toshkent axborot texnologiyalari universiteti qoshida HAINA akademiyasini ochdi. Bu yerda har yili telekommunikatsiyalar bozori uchun 200 dan ziyod mutaxassisni tayyorlab chiqarish rejalashtirilgan.
“Kompaniyamiz bir joyda to‘xtab turgani yo‘q. O‘tgan yili biz Toshkent axborot texnologiyalari universiteti bilan hamkorlikda tarmoq Akademiyasini ochdik, Plexanov nomidagi universitet uchun o‘zimizning smart ishlanmalarimiz va video-konferensiya tizimini taklif etdik. Bu yil biz umumta’lim maktablari uchun Smart Class konsepsiyasini ilgari surmoqdamiz. Umid qilamizki, boshlang‘ich loyihamiz yosh o‘quvchilarni yangi va zamonaviy bilimlarni olishda, hamda samarali rivojlantirish uchun foydali bo‘ladi. Kelajakda biz Xalq ta’limi vazirligi bilan hamkorlikda Smart Class konsepsiyasini O‘zbekistonning boshqa viloyatlarida ham joriy etishga tayyormiz”, — deydi “Huawei Tech Investment Tashkent” kompaniyasi bosh direktori janob Van Pen.
59-sonli umumta’lim maktabiga tashrif buyurganlar Smart Class konsepsiyasidan tashqari, Xitoy Xalq Respublikasining O‘zbekistondagi elchixonasi tomonidan taqdim etilgan lingafon kabineti bilan ham tanishish imkoniyatiga ega bo‘ldi.
Huawei kompaniyasining “Elektron ta’lim” loyihasi haqida:
Huawei kompaniyasi AKT va mobil texnologiyalar sohasidagi ilmiy tadqiqotlar va ishlanmalarga katta e’tibor qaratishi bilan dunyo miqyosida ajralib turadi. O‘zbekistonda 15 yillik faoliyatga ega bo‘lgan va eng innovatsion brend hisoblangan Huawei kompaniyasi birinchilardan bo‘lib “Elektron ta’lim” loyihasini ishga tushirdi. “Elektron ta’limning milliy tarmog‘i” loyihasini amalga oshirish natijasida 80 dan ziyod o‘quv muassasalari (oliy va o‘rta maxsus ta’lim vazirligi, O‘zbekiston Rsepublikasi Prezidentining “Iste’dod” jamg‘armasi va 3 ta o‘quv markazi) 1 Gbit/s gacha tezlikdagi “Elektron ta’lim” yagona korporativ tarmog‘iga ulandi. Har bir oliy o‘quv yurtida VKS Huawei negizida multimedia auditoriyalari yaratildi.
Reklama huquqi asosida
Izoh (0)