Qatarga qamal e’lon qilgan arab davlatlari Dohaga qo‘yiladigan talablar ro‘yxatini tayyorladi. Bu haqda AQSh Davlat departamenti ma’lum qildi, deya xabar beradi “Gazeta.ru”.
“Mazkur ro‘yxat yaqin orada Qatarga taqdim etilishi kutilmoqda. Uning mantiqli va bajariladigan darajada bo‘lishidan umidvormiz”, — deyiladi muassasa saytida joylashtirilgan xabarda.
Eslatib o‘tamiz, oldinroq AQSh Davlat kotibi Reks Tillerson Saudiya Arabistoni, Birlashgan Arab Amirliklari va Misrni Qatar iqtisodiy qamalini bo‘shashtirishga chaqirgandi.
Izoh (0)