Kaltaklash, gazniqob yoki paket: Qirg‘izistonda yana qanday qiynoqlarni qo‘llashadi?

Qirg‘izistonda 80 foizdan ortiq qiynoq holatlarida kaltaklashadi, boshiga paket kiydirib bo‘g‘ishadi, gazniqobda kislorodni to‘sib qo‘yishadi va elektroshok bilan qiynashadi. Bu haqda Qirg‘iziston Bosh prokuraturasi bo‘lim boshlig‘i Bakit Ketirenov arizachilar da’volariga tayanib ma’lum qildi, deb yozadi KNews.

Uning so‘zlariga ko‘ra, qo‘llanilayotgan qiynoq usullaridan qat’i nazar, ular doimo ruhiy bosim, oila a’zolarini jinoiy javobgarlikka tortish haqidagi tahdidlar bilan birga olib boriladi. Ko‘p hollarda qurbonlarni uning o‘ziga ham, uning yaqinlariga ham yanada shafqatsiz qiynoqlarni qo‘llash bilan qo‘rqitishadi.

“Qiynoqlarni qo‘llayotgan va tahqirlashlar izlarini bekitayotgan shaxslarning hiyla-nayranglariga qaramay, ruhiy va hissiy oqibatlar aksariyat hollarda shaxslarning qiynoqqacha bo‘lgan ruhiy holatidan qat’i nazar, kelib chiqadi. Bu qiynoqlarning inson hayotidagi hodisa sifatidagi favqulodda xususiyati bilan bog‘liq, bu haqda Istanbul protokolida batafsil aytib o‘tilgan”, — dedi Ketirenov.