Vakillar palatasining respublikachilardan iborat ko‘pchilik a’zolari avvalroq Senat tasdiqlagan, Rossiyaga qarshi sanksiyalar bo‘yicha ovoz berishni to‘xtatib qo‘ydi, deb yozadi “Korrespondent.net”.
AP ma’lumotlariga ko‘ra, sanksiya tarafdorlari umid qilgan tezkor ovoz berish o‘rniga, qonun loyihasi xalqaro masalalar bo‘yicha qo‘mitaga mazmunini baholash uchun yuborilgan.
Agar vakillar palatasi qonun loyihasini o‘zgartirib, uni yangi ko‘rinishda qabul qilsa, u matnni senat bilan muvofiqlashtirishi kerak bo‘ladi.
Rossiyaga qarshi sanksiyalarning taniqli tarafdori bo‘lgan kongressmen Eliot Engel respublikachilar qonun loyihasining tasdiqlanishini kechiktirgani yuzasidan xavotir bildirdi.
“Bu jarayonni to‘xtatib qo‘yadi va Oq uyga Kremlni javobgarlikka tortish bo‘yicha asosiy xatti-harakatlarni yuvib yuborish uchun vaqt beradi”, — deb u qonun loyihasi bo‘yicha zudlik bilan ovoz berilishini talab qildi.
Izoh (0)