Amerika ma’muriyati Pxenyan avvalroq KXDRda jazoga hukm qilingan uch nafar AQSh fuqarosini ozod etishini talab qiladi. Bu haqda davlat kotibi Reks Tillersonning yozma bayonotida aytiladi, deb yozadi “TASS”.
Bayonot 19-iyun, dushanba kuni o‘tgan hafta KXDRda ozod qilingan Otto Uormbirning vafoti munosabati bilan e’lon qilindi.
“Biz Shimoliy Koreyaga Otto Uormbirning haqsiz ravishda qamoqqa hukm qilingani uchun javobgarlik yuklaymiz va noqonuniy tarzda qo‘lgan olingan qolgan uch nafar amerikalikning ozod etilishini talab qilamiz”, — deya ta’kidladi Tillerson. U 22 yoshli Uormbirning ota-onasiga hamdardlik bildirdi.
BMT ma’lumotlariga ko‘ra, Otto Uormbir o‘tgan yilning martidan buyon koma holatida bo‘lgan. U qamoqxonada berilgan uyqu doridan so‘ng komaga tushib qolgan. Amerikalik shifokorlar tibbiy ko‘riklardan so‘ng ma’lum qilishicha, yigit og‘ir bosh suyak-miya shikastlanishini boshidan o‘tkazgan.
Amerikalik talaba KXDRga qarshi qo‘poruvchilik faoliyatida ayblanib, ozodlikdan mahrum etilgan edi.
Izoh (0)