Qirg‘iziston prezidenti Almazbek Atambayev 19-iyun, dushanba kuni Rossiyaga ilk davlat tashrifi bilan keladi. Bu haqda “TASS” xabar bermoqda.
Tashrif davomida Atambayev Rossiya prezidenti Vladimir Putin va bosh vazir Dmitriy Medvedev bilan muzokaralar o‘tkazadi. Muzokaralar yakuni bo‘yicha tibbiyot, sog‘liqni saqlash va moliya sohalaridagi hamkorlik bo‘yicha ikki tomonlama kelishuvlar imzolanishi ko‘zda tutilgan.
Imzolanishi kutilayotgan Qirg‘iziston va Rossiya o‘rtasida ittifoqdoshlik va strategik sheriklikni mustahkamlash to‘g‘risidagi deklaratsiya Bishkek hamda Moskva uchun muhim siyosiy hujjatga aylanishi bildirilmoqda.
Ikki davlat o‘rtasida diplomatik munosabatlar o‘rnatilganining 25 yilligiga bag‘ishlangan tashrif 24-iyunga qadar davom etadi. Uning doirasida Qirg‘iziston prezidentining Tatariston va Boshqirdistonga borishi ham ko‘zda tutilgan.
Izoh (0)