Сурия қирувчи самолётини уриб туширган АҚШ бошчилигидаги халқаро коалиция жавоб зарбаси олиши мумкин. Бу ҳақда Россия Федерация кенгашининг халқаро масалалар бўйича қўмитаси раисининг биринчи ўринбосари Владимир Жабаров маълум қилди, дея хабар беради «Газета.ru».
Сенатор мазкур можаро хунук оқибатларга олиб келиши мумкинлиги, шу сабабли имкон қадар тезроқ манфаатдор томонлар дипломатлари учрашувини ташкил этиш зарурлигини билдирди.
«Ҳаво кемаларининг бундай уриб туширилишига йўл қўйиб бўлмайди — жавоб зарбаси олиш мумкин. У ерда Сурия армиясининг С-300, бизнинг С-400 комплексларимиз турибди, буларнинг барчаси катта можарога сабаб бўлиши ҳеч гап эмас», — таъкидлади Владимир Жабаров.
Эслатиб ўтамиз, АҚШ раҳбарлигидаги коалиция 18 июнь, якшанба куни Раққа яқинида Сурия ҳарбий-ҳаво кучлари самолётини уриб туширди.
Изоҳ (0)