Fransiyaning Bovilye shahri fuqarosi poyezd yaqinlashib kelayotgan vaqtda o‘z xotinini relsga bog‘lab qo‘ydi, so‘ng temir yo‘lda turib olib, o‘z joniga qasd qildi, deb yozadi Meduza.
37 yoshli Giyom va 34 yoshli Emilining jasadlari 12-iyun kuni ertalab, Parijdan Nantga ketayotgan TGV tezyurar poyezd mashinisti to‘qnashuv haqida xabar qilgach, topildi.
Emilining jasadi bo‘laklarga bo‘lingan holda bo‘lib, oyoqlari va bilaklaridan izolenta izlari aniqlandi. Giyom lokomotiv ostida qolib halok bo‘lgani taxmin etilmoqda. Tergovchilar hozircha marhumlarning toksikologik ekspertizasi natijalarini olgani yo‘q.
Er-xotinning to‘rt farzandi qolib ketdi. Bolalarni 12-iyunga o‘tar kechasi Giyomning qo‘ng‘irog‘idan keyin buvisi va bobosi olib ketgan. So‘ng erkak o‘sha paytda alohida yashayotgan xotini oldiga ketgan.
Ta’kidlanishicha, Giyom depressiyadan azob chekkan, shifokorlar unda suiqasdga moyillik belgilarini aniqlagan. Ammo uning ustidan politsiyaga shikoyat tushmagan.
Izoh (0)