IShID terrorchilik guruhi boshliqlarining ko‘pchiligi xalqaro koalitsiya kuchlari shiddatli hujum uyushtirayotgan Suriyaning Raqqa va Iroqning Mosul shaharlaridan Suriyaning Al-Mayadin shahriga qochib ketdi. Bu haqda AP AQSh va Suriyadagi manbalariga tayanib xabar berdi, deb yozadi “RIA Novosti”.
Agentlik ma’lumotlariga ko‘ra, terrorchilar boshliqlari Dayr-az-Zor provinsiyasidagi Al-Mayadin shahriga o‘rnashib olgan. Shahar Iroq bilan chegara yaqinidagi Frot daryosi sohillari yonida joylashgan vodiy markazidadir.
IShIDning Iroqdagi eng yirik tayanchi — Mosulni ozod etish bo‘yicha operatsiya 2016-yil oktabridan buyon AQSh rahbarligidagi koalitsiya ko‘magida davom etmoqda. Iroqlik harbiylar dastlab shaharning sharqiy qismini ozod etdi, fevralda esa uning g‘arbiy qismiga o‘tdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)