Франциянинг Бовилье шаҳри фуқароси поезд яқинлашиб келаётган вақтда ўз хотинини рельсга боғлаб қўйди, сўнг темир йўлда туриб олиб, ўз жонига қасд қилди, деб ёзади Meduza.
37 ёшли Гийом ва 34 ёшли Эмилининг жасадлари 12 июнь куни эрталаб, Париждан Нантга кетаётган TGV тезюрар поезд машинисти тўқнашув ҳақида хабар қилгач, топилди.
Эмилининг жасади бўлакларга бўлинган ҳолда бўлиб, оёқлари ва билакларидан изолента излари аниқланди. Гийом локомотив остида қолиб ҳалок бўлгани тахмин этилмоқда. Терговчилар ҳозирча марҳумларнинг токсикологик экспертизаси натижаларини олгани йўқ.
Эр-хотиннинг тўрт фарзанди қолиб кетди. Болаларни 12 июнга ўтар кечаси Гийомнинг қўнғироғидан кейин бувиси ва бобоси олиб кетган. Сўнг эркак ўша пайтда алоҳида яшаётган хотини олдига кетган.
Таъкидланишича, Гийом депрессиядан азоб чеккан, шифокорлар унда суиқасдга мойиллик белгиларини аниқлаган. Аммо унинг устидан полицияга шикоят тушмаган.
Изоҳ (0)