Америкалик хонанда Ариана Гранде Буюк Британиянинг Манчестер шаҳри фахрий фуқаросига айланади. Бу ҳақда «Газета.ru» хабар бермоқда.
Маҳаллий шаҳар кенгаши Манчестер ҳаёти ва муваффақиятига ҳисса қўшганларни рағбатлантиришнинг янги тизимини таклиф қилмоқда ва Гранде бу шарафга лойиқ кўрилган биринчи шахс бўлиши мумкин.
Кенгаш аъзолари хонанда Манчестердаги биринчи концертидан сўнг юз берган терактдан икки ҳафта ўтиб, One Love Manchester хайрия дастурини ташкил этганини юқори баҳолади.
Хайрия шоуси қарийб 3 миллион фунт стерлинг тўплашга имкон берди. Шунингдек, у Британия телевидениеси орқали 2017 йилда намойиш этилган энг оммабоп дастур бўлди.
Янги ташаббусга кўра, Катта Манчестерда истиқомат қилмайдиган шахслар ҳам шаҳарнинг фахрий фуқароси деб эълон қилиниши мумкин.
Шаҳар кенгаши таклифни 12 июль куни кўриб чиқади.
Изоҳ (0)