Virginiya shtatining Aleksandriya shahrida (AQSh poytaxti Vashingtondan 11 kilometr janubda) yuz bergan otishma oqibatida bir necha kishi yaralandi. Bu haqda Meduza xabar bermoqda.
Yaralanganlar orasida respublikachi-kongressmen Stiv Skeliz va bir necha kongressmenlarning yordamchilari bor. ABC News’ning yozishicha, kongressmenning hayoti xavf ostida emas.
Jabrlanuvchilarning aniq soni hozircha ma’lum emas, qurbonlar haqida axborot berilmayapti.
Otishmani bir kishi uyushtirgan; ba’zi ma’lumotlarga ko‘ra, u yarim avtomat miltiq bilan qurollangan bo‘lgan. U 50 dan ziyod o‘q uzgan va ko‘p o‘tmay qo‘lga olingan.
Hodisa Kongress a’zolari ishtirokidagi xayriya beysbol uchrashuviga tayyorgarlik vaqtida yuz bergan. Fox News axborotiga ko‘ra, o‘t ochishdan avval o‘qotar maydonda kimlar o‘ynayotganiga qiziqib, “Demokratlarmi yo respublikachilar?”, deb so‘rab olgan.
https://twitter.com/news965wdbo/status/874961977977839617
Izoh (0)