AQSh hukumati o‘zi amalga oshirmagan jinoyat uchun 17 yil qamoqda o‘tirgan Kanzas-Siti fuqarosini ozodlikka chiqardi, deb yozadi “RIA Novosti”.
1999-yilda Richard Jons og‘irlashtiruvchi vaziyatli o‘g‘irlikda ayblanib, 19 yilga ozodlikdan mahrum etilgan edi. Ayblov faqat guvohlar ko‘rsatmalariga asoslangan edi.
Mahbus o‘zini aybdor deb tan olmadi va huquq himoyachilariga yordam so‘rab murojaat qildi. Ular jinoyat joyi yaqinida tashqi qiyofasi Jonsga juda o‘xshash bo‘lgan Riki ismli odam yashashini aniqladi.
“O‘z qiyofadoshimning suratini ko‘rgach, hammasiga tushundim”, — dedi Jons.
Yangi sud majlisida guvohlar ikkala erkakning ham suratlariga qarab, endi Jonsning aybdorligiga ishonchlari komil emasligini ma’lum qildi. Yangi ko‘rsatmalar tufayli, sudya erkakka nisbatan hukmni asossiz deb topdi va uni ozodlikka chiqardi.
Izoh (0)