Airbus Buyuk Britaniyaning Yevroittifoqdan chiqishi sababli paydo bo‘lgan talablari qondirilmasa, laynerlari uchun ehtiyot qismlar ishlab chiqariladigan zavodlarni boshqa hududlarga ko‘chiradi. Bu haqda aviakonsern prezidenti va bosh direktori Fabris Brejye ma’lum qildi, deb xabar beradi “TASS”.
“Biz Buyuk Britaniyada qolishni istaymiz, biroq buning uchun integratsiyalashgan tashkilotda faoliyat olib borishga imkon beruvchi shartlar hisobga olinishi zarur. Aytaylik, Brexit bo‘yicha kelishuv turli davlatlarda joylashgan korxonalarimiz xodimlariga hech qanday to‘siqsiz Britaniya hududiga kelishiga imkon berishi lozim. Shuningdek, kelishuv bu yerda ishlab chiqarilgan qismlar sertifikatsiyasi Yevropa aviatsiya xavfsizligi agentligi bilan kelishilishini kafolatlashi talab etiladi”, — dedi Fabris Brejye.
Ma’lumot uchun, Airbus’ning Filton va Brotondagi zavodlarida avialaynerlar uchun qanotlar ishlab chiqariladi. Korxonlarda umumiy hisobda 10 ming kishi mehnat qiladi.
Izoh (0)